Próxima presentación del Llibru "Ucrania y otros nomes de muyer" de Xurde Fernández

Presentación el 24 de xunu 19:30 hores. Nel patiu de la Biblioteca Pública “Carlos González Posada” de Candás ¿Qué ye Ucrania? Ucrania ye un país. Un país que tien un nome, que ta habitáu por xente amigo, y otro no tanto, que tien una historia y, seguramente, un futuru. Eso ye Ucrania y otros nomes de muyer. Países de los que conocemos fechos trescendentales que cambien el rumbu de les trayectories vitales pa siempre. Hai un momentu nel que dalgo o daquién ruempe. Esa xente, lo que protagonizó’l socedíu, dacuando nun se da cuenta nesi instante de que too cambió, de que va cambiar y nada va volver a ser como enantes. Pero pasa. Estes xeografíes con nome femenín constrúinse nun mapa trazáu d’ esperances, soledaes, trabayu, frustración, dolor y rellumos de felicidá. Son vides de muyeres. Muyeres qu’ avecen a ser complementos circunstanciales del rellatu principal y que nesta ocasión, dende’l so destierru involuntariu de les coses importantes, enséñennos les coses que realmente tienen importancia. Trátase de vivir y faelo caúna lo meyor que pue colo que-y tocó en suerte o en desgracia. + MÁS INFORMACIÓN
Publicar un comentario

Nuestro Facebook: Carreño Actualidad