El concejal de UNA presenta una moción contra el maltrato animal en el ayuntamiento de Carreño

Será debatida esti prósimu xueves, 30 de Xunetu. AL ALCALDE-PRESIDENTE DEL CONCEYU CARREÑO Asuntu: Moción que se presenta pal so alderique y aprebación nel prósimu Plenu a cellebrar a fines de Xunetu de 2009. L’abaxo firmante, Conceyal d’UNIDÁ NACIONALISTA ASTURIANA d’esta Casa Conceyu, al amparu de los artículos 91.4 y 97.3 del Rial Decretu 2568/86 d’Organización, Furrulamientu y Réxime Xurídicu de les Corporaciones Llocales, tien l’honor de presentar la MOCIÓN que vien darréu pal so alderique y aprebación pol Plenu. Asuntu: PROPUESTA ESCONTRA'L MALTRATU ANIMAL EN FESTEXOS NEL CONCEYU DE CARREÑO. Esposición de motivos. Ante la permisibilidad de Casa Conceyu con actos que suponen un evidente maltratu animal nes fiestes del conceyu, asina mesmo col oxetu de torgar la posible proliferación d'esti tipo d'espectáculos, UNIDÁ NACIONALISTA ASTURIANA, recoyendo la demanda de la mayoría los vecinos y vecines de Carreño que refuguen esti tipu d'actos y piden nun atentar escontra los principios básicos de los drechos de los animales, presenta una moción pa que seya aprobada nel Plenu de la Casa Conceyu. UNIDÁ NACIONALISTA ASTURIANA ( UNA), considera que la utilización d'animales n'espeutaculos "festivos" que faen un evidente maltratu del animal al tratar a ésti de mou antinatural o contrariu a les sos necesidades fisiolóxiques y etolóxiques, supón una vuelta atrás nos valores de la defensa de la dignidá de los los animales, faciendo que la sociedá retroceda a tiempos nos que la dignidá de los animales yera daqué que nun teniá nengun valor. L'avance de la sociedá moderna fizo qu'ésta algamase una mayor sensibilidá en cuestiones de respetu hacia en mediu ambiente y los seres vivos que lo integren. La denigración de los animales por parte del ser humano supón una conceición dafechu primitivista y xabaz. Ye evidente que'l maltratu de los animales, especialmente los espectáculos taurinos son ayenos a la cultura tradicional asturiana. Los espectáculos taurinos sólo sobreviven de manera artificial n'Asturies poles grandes sovenciones de los estamentos públicos, pola publidá que se da a estos espectáculos nos medios de comunicación, y pola conceición de "fiesta nacional" cola que Asturies, como otros territorios peninsulares, nun se siente identicao. Son perconocíes les pallabres del ilustre Gaspar Melchor de Jovellanos, nes que desixe’l respetu polos animales: "La lucha de toros no ha sido jamás una diversión, ni cotidiana, ni muy frecuentada, ni de todos los pueblos de España, ni generalmente buscada y aplaudida ... creer que el arrojo y destreza de una docena de hombres, criados desde su niñez en este oficio, familiarizados con sus riesgos y que al cabo perecen o salen estropeados de él, se puede presentar a la misma Europa como un argumento de valor y bizarría española, es un absurdo. Y sostener que en la proscripción de estas fiestas, que por otra parte puede producir grandes bienes políticos, hay el riesgo de que la nación sufra alguna pérdida real, ni en el orden moral ni en el civil, es ciertamente una ilusión, un delirio de la preocupación." Ello asina, UNIDÁ NACIONALISTA ASTURIA somete pal so alderique y aprobación l'alcuerdu que vien darréu: QUE LA CASA CONCEYU NUN AUTORICE NENGÚN ACTU QU' IMPLIQUE UN MAL TRATO DEL ANIMAL, AL TRATAR A ÉSTI DE MOU ANTINATURAL O CONTRARIU A LES SOS NECESIDAES FISIOLÓXIQUES YA ETOLÓXIQUES. QUE REFUGUE CUALQUIER TIPU DE SOVENCIÓN O AIDA ECONÓMICA O DE CUALQUIER TIPU A LES ASOCIACIONES QUE FOMENTEN ESTI TIPU D'ACTOS. QUE POLA PRESENTE MOCIÓN, LA CASA CONCEYU DECLARE A CARREÑO COMO CONCEYU ANTITAURÍN. Xuan Rodríguez Rodríguez UNIDÁ NACIONALISTA ASTURIANA
Publicar un comentario

Nuestro Facebook: Carreño Actualidad