Un de los catorce puntos del alcuerdu presupuestariu de Compromisu por Carreño col gobiernu de Carreño yera poner la base pa la igüa del problema de saneamientu en dos zones de Carreño. Barrio de Santarúa y Bahía de Perán. Pa ello dedicose una partida presupuestaria de 30000 euros col calter bianual . Esta selmana publicáronse les bases de sovenciones que tienen por oxetu sovencionar a los propietarios de viviendes y/o inquilinos cuyo saneamientu vierte a cauces fluviales nel casco urbanu de Candás.
El saneamientu d’una parte del Barriu de Santarúa yera un problema pendiente de resolución dende fae munchos años y pa Compromisu por Carreño una esmolición que llevábamos nel programa electoral.
L’enfotu de Compromisu por Carreño y el gobiernu ye facer esta convocatioria estensible a toles zonel del conceyu a cuyos rigos ta vertiéndose el saneamientu de cases y edificios nos próximos años.
Una comunidá de vecinos ya ta manes a la obra y esperamos que les demás tamién se pongan manes a la obra nos prósimos meses y solucionar asina un problema que parecía nun tener igüa.
Pa compromiso nun ye que sólo la necesidá de dar solución al tema del saneamientu sinón tamién curiar y ser desixentes cola calidá de les agües de los rigos de Carreño.
Munchos de los catorce puntos del alcuerdu presupuestariu de Compromisu col gobiernu tienen rellación cola cuestión mediuambiental , estos temes ambientales son másima importancia pa la nuestra organización que lleva munchos años denunciando la situación ambiental del conceyu de Carreño.
Compromisu por Carreño ta pa dar igüa, soluciones, a los problemes de la xente, pa dar alternatives , pa trabayar en positivu y pa que los y les votantes de la nuestra organización sepan y vean que’l so votu nun fue inútil, pa que tengan claru que Compromisu por Carreño cumple la so pallabra de llevar alantre el so programa electoral, esi ye’l nuestru Compromisu.
No hay comentarios:
Publicar un comentario